ok b3trf !

هديت الرجيم ! من اخر بوست نزلته ! حدي متضايقه وزعلانه من نفسي لان وزني زاد !!!!! وااااااايد !!!!!! ٤ كيلو زاد اللي نزلتهم زدتهم للاسف ! اوكي من باجر لازم احترم نفسي وبشوف لي نظام يديد امشي عليه 

4 & 5 diet days

امس كنت مشغولة ما مداني اكتب 

المهم امس الله يسلمكم انسدت نفسي عن الاكل اعتقد تاثير الحبوب اللي تكلمت عنهم بودي لين .. الصبح شربت ماي بس وطلعت وخذيت الحبوب والغدا تغديت شريحتين توست مع جبن ابيض قليل الدسم والملح وحطيت معاهم نص طماطه 👌 وعقبها طلعت ورديت الساعه ١٠ بليل وكليت شريحتين كرسب البسكوت الي كتبت عنه عباره عن حبوب ملتي قرين .. وحطيت بينهم تركي خالي الدسم وجبن سلايس خالي الدسم ونمت .. المهم اليوم نفس الحاله قمت مو يوعانه صراحه خذيت قفشة روب كامل الدسم وخذيت الحبوب معاه وتالي طلعت توني رديت البيت قلت اكل شي قبل لا اروح امشي .. سويت لي توسته حطيت فيها خيار مخلل وفلفل هلابينو ومسترده وليمون وقطعه كبر كف اليد

سمك مشوي .. نقرور .. يم يم وكليت نص التوسته لان شبعت وشربت لبن شوي تقريبا ربع الكوب .. وسلامتكم .. ويالله تشجعوا وسووا رجيم مثلي .. ❤️

انواع طعام افضلها في الرجيم

انواع من الطعام حبيت اركز عليها في رجيمي:

الجريب فروت 

الفلفل

الشاي الاخضر 

العدس 

التركي turkey 

الشوفان 

السمك (السالمون - الماكريل - التونه) 

 البيريز ( التوت الاحمر والاسود - الفراوله) 

التفاح 

القهوة 

ليش؟ 

لان هذي الاطعمة المشهوره بحرق السعرات الحراريه وتساعد على تحفيز عملية الايض 

وتنشيط الدورة الدموية .. وتشبع وما تخليني احس بالجوع وايد .. 

ومن البساكيت اللي شريتهم توه وفيهم حبوب متنوعه ووايد حبيته مع ان ناشف شوي ماركة فن كريسب Finn Crisp احبهم العصاري او اذا يعت بليل اخذ شريحتين واحط بينهم شرايح خيار وتركي وجبنه سلايس خالي الدسم واكلهم واحس بشبع ❤️من غير ذنب ههه 

المهم هذا البسكوت مكونات عباره عن حبوب ملتي قرين Multigrain ( دقيق الجاودار الكلمل - قمح- شوفان كامل - شعير -دخن ) 

الشريحة الوحدة فيها ٢٥ كالوري وهذي صورته 

My Fitness Pal

My Fitness Pal App 👌 

صراحه هالبرنامج اينن نزلته على الاي فون مادري اذا متوفر حق الاندرويد او لا .. بس فعلا مفيد .. يرنامج يحسب السعرات الحرارية اللي نحصلها من اكلنا اليومي واللي نحرقها سواءا في النادي او في المشي العادي .. وسهل الاستخدام انا معتمده عليه في حساب السعرات الحراريه اللي اتوهق فيها يعني اذا كليت شي من طبخ البيت مثلا الهامور اكتب هامور واختار طريقة الطبخ اكتب مثلا هامور مقلي او مشوي والكميه ويطلع لي السعرات الحرارية .. وغير جذي  في خاصيه يحسب السعرات الحرارية اللي نحرقها اثناء الحركه يعني اذا ماسكة الموبايل وبيدي واتحرك يحسب لي الخطوات .. والنادي بعد في تقريبا اغلب اسماء الاجهزه اللي استخدمها او الاشياء المرادفه لها حييييل سهل هذي بعض الصور حق حسبتي اليومية انا اخذ ٨٠٠ كالوري حق رجيمي واحرق حوالي ٤٠٠ الى ٥٠٠ كالوري احيانا مو يوميا بس احيانا اشتط بالنادي .. شوفوا طريقته 

day 3

اليوم لي ثالث تريقت بسكوته وحده وشربت نسكافيه مع كوفي ميت لايت نص كوب تقريبا .. والغدا بيتنا مسوين مطبق هامور وبلوح (بيض سمك ) عاد حطيت لي ثلاث قفاش عيش وقطعتين هامور وبيض سمك والعشاء باذن الله باكل روب مع جرجير وليمون وتوسته مع تيركي وجبنه خالي الدسم وخيار وبس 

انواع الطعام المفضلة خلال الرجيم

انواع من الطعام حبيت اركز عليها في رجيمي:

الجريب فروت 

الفلفل

الشاي الاخضر 

العدس 

التركي turkey 

الشوفان 

السمك (السالمون - الماكريل - التونه) 

 البيريز ( التوت الاحمر والاسود - الفراوله) 

التفاح 

القهوة 

ليش؟ 

لان هذي الاطعمة المشهوره بحرق السعرات الحراريه وتساعد على تحفيز عملية الايض 

وتنشيط الدورة الدموية .. وتشبع وما تخليني احس بالجوع وايد .. وبس سلامتكم 

day 2 diet

اليوم تريقت نسكافيه وكوفي ميت وخذيت الحبوب اللي كتبت عنهم امس اسمهم بودي لين وبعدين تغديت توسته مع جبنه سلايس خالي الدسم وطماط وخيار ورحت النادي عقب الغدا بساعتين ولعبت على القاري لان احبه نص ساعه وبعدين على جهاز السكي نص ساعه وعقب سبحت في حمام السباحه وبعده بخار وتالي جاكوزي وبعدها رديت البيت زهبت عشاي حطيت لكم صور عباره عن توسته فيها جرجير وتركي قليل الدسم من امريكانا ومسحة لبنه قليل الدسم وخيار وجبنه خالي الدسم  .. و كليت بعد سلطة جرجير مع بيض مسلوق وشربت تقريبا ربع كوب شوربة خضار الربيع من ماجي وبس .. و طبعا احب احسب الكالوريز حق كل يوم شكثر حرقت سعرات حراريه وشكثر كليت شلون احسبهم؟ عن طريق برنامج راح اتكلم عنه في البوست الياي ان شاء الله بالتفصيل وصراحة ما استغني عنه دايما احسب فيه السعرات سواءا مسويه رجيم او لا !! 

نرجع حق الرجيم الحبيب 😍👌 وحبوب بودي لين للرجيم

الله يسلمكم انا احب الاكل الخرابيط مع ان ادري ان ما ينفع معاي كلش ومو عافسني الا الاكل الغير صحي والاوقات الغير مناسبة للاكل .. كنت اخذ حبوب هوديا قبل دوروا عنهم في النت هذا اسمهم بالانجليزي Hoodia عبارة عن عشبة الهوديا ومضاف لها اعشاب ثانيه وايد كنت ارتاح عليهم يسدون الشهيه نوعا ما وطبعا لازم نظام غذائي رحت بشتريهم من الصيدليه ما حصلتهم ما كان لي خلق اروح صيديليه ثانيه چان اقول حق الصيدلانية عنهم وان ابي شي مشابه لهم عطتني حبوب اسمهم بودي لين سي ال بلس وقالت اخذيهم مره باليوم وتقدرين تاخذينهم ثلاث مرات اذا تبين مع الوجبات .. خذيتهم اليوم وتوكلت على الله اهم عباره عن حبتين كبسوله وتابلت اخذهم مع بعض الصبح مع الريوق ! الله وكيلكم خذيتهم وشربت نسكافيه وكوفي ميت وانسدت الچبد !!!! مو مصدقه انا اللي احب البلعه مو مشتهيه الاكل ورحت النادي ولعبت ساعه وسباحه نص ساعه وهم ما يعت !!!! المهم تغديت توسته وجبنه لايت مع طماط وخيار وتغصبت فيها الصراحه كنت شبعانه .. صار المغرب كليت نص تفاحه خضرا ما قدرت اكملها !! وعشاي بيضه مسلوقه مع توسته وحده سمرا وخس وجبنه لايت وسلامتكم !!!! حشى طير مو خدوجه حدي فرحانه بانجازي اليوم الصراحه وعساني استمر ❤️ اليوم وزني ٨٨ كيلو وانا طولي ١٦٠ 🙈 ادري تدلقمت وراحة ايام الرشاقة ورجعت ايام السمنه لكن انا له بالمرصاد يا انا يا الوزن 🏁🚴 وقررت اخذ لي قاري دام الجو تعدل 😍🚴🏁😎 واشوفكم على خير 

رجيم 🚶 دكتور طالب الشمري

الله يسلمكم يا اخواتي المدلقمات والرشيقات انا ابتلشت في شي اسمه مطاعم 🙈 واحب اجرب واحب الطلعة مع صديقاتي ولكن النتيجة كانت ان الوزن في ازدياد وليس نقصان 🙊 والدبه تلهمدت واقعدت 🙈 ومن رجيم لي الثاني بس ارد واخربط ويرد يزيد الوزن بس عاد يا انا يا هالوزن حطيت لي قانون يديد ابي اعلم نفسي ان ما اكل وجبه ثقيله الا مره بالاسبوع وبشوف يمكن يفيد اما باجي الاسبوع اكل بس اختار اخف شي في المنيو اذا طالعه واذا في البيت الحمدلله اقدر اتحكم في اكلي .. نبرت في النت عن رجيم الدكتور طالب الشمري لان قبل كنت مجربته وفعلا كانت معاه النتيجه ممتازه ورجيمة مريح عاد قلت بسويه هالمره بما ان حلو ومشبع وخفيف 😎 

وهذا اهو الرجيم يا جماعة الخير

رجيم طالب الشمري ينزل 6-8 كيلو بسبوعين ....... 

النظام الاول

ريجيم طالب الشمري 1

نظام لمده اسبوعين يعمل علي خفض الوزن من 6-8 كيلو

_______________________________

كوب كابتشينو "ضروري جدا يعمل علي سد الشهيه"

بعدها بساعة الإفطار:

مكون من 2 توست + جبن سلوفايد أو لبنة + شاي أو نسكافيه.

* الظهر: 4 بسكوت + شاي أو نسكافيه

أو كاكاو + قهوة.(حسب الرغبه)

* منقوع 3 ملاعق متوسطة حبة حلوة في كوب ماء حار لمدة نص ساعة ويصفى 

ويشرب قبل الغداء بنصف ساعة.( يسحب الدهون من منطقه البطن)

الغذاء: (قبل وبعد الغذاء كاس ماء)

1- سلطة جبن أو سيزر

2- صدر دجاج أو لحمة أو سمك مشوي أو تونة أو صحن كباب أو تكا أو شيش طاووق + بطاطا 

مشوية أو مسلوقة ( حبه زينكال قبل الوجبه بربع ساعه)

3-من 1-2 همبورجرأو تيركي مع 2 توست + خيار وخس طماطم.

العشاء:

شاي بالحليب أو نسكافيه + 1-2 بيضة مسلوقة + خس وطماطم 

النظام الثاني

لمدة اسبوعين

ريجيم طالب الشمري2

______________

الصبح علي الريج :

كوب ماء ثم فنجان قهوه تركية

بعد نص ساعة على الأقل:

شاي/أو/ نسكافيه بحليب /او/ كابتشينو (مع كريمه وفوقه كاكاو وكلشي)

الظهر:

حبه فاكهه اي نوع او عصير غير محلي يفضل فريش ونصيحة مني شربو كيوي باناناس

الغدا :

2 توست + من 1 الي 2 بيض ( ممكن مقلي مع قليل من الزبده او ملعقتين زيت)

+خس او سلطه+دايت ببيبسي

او : 1-2 بطاطا مشويه او مسلوقه ( او توست)+ جبنه او لبنه +خس+ دايت بيبسي

او : سلطه سيزر بالدجاج مع الجبن

المغرب :

شاي او حليب بنسكافيه او كابتشينو مع 1-4 حبات بسكويت او كاكاو واحد حسب الرغبة

العشاء:

عكس الغدا : يعني لو اخترتي البيض والتوست علي الغداء تاكلين توست وجبن علي العشاء

لكي وجبه فري بالاسبوع شرط اكل زينكال معها

وممكن تبديل سناك الظهر بالمغرب او العكس يعني ممكن بدال الفاكهه الظهر ان تاكلي بسكوت 

او كاكاو علي ان تاكلي الفاكهه بالمغرب

واللي حابه تبدي معاي حياها الله واللي ودها تمشي معانا انا وتوأم روحي علويه الفيلكاوي حياها الله كل يوم نمشي ساعه من ٧:٣٠ لي ٨:٣٠ وكل مره مكان غير 🚶🚶