تمر أيامي من بعد فراقك كني ابغيبوبة و أنا فيها أحلم
هو صحيح ما عدتي بجنبي هو صحيح انتي رحلتي .. وني أنا و وينها نفسي من بعدك
كأن الدنيا من بعد عينك وقفت كأني أنا من فارق هالدنيا ماهو انتي
أهيم بدنيتي مثل الغريق ما عاد يصبرني لا قريب و لا غريب
يمة من بعد عينك أنا ماني بأنا و إن ربي خلى فيني روح ترى ما عاد في روحي
إحساس ولاني بحي
كأن البشر ماهم بشر بعيني كني غريب بينهم بليا أهل ينطر يشوف
من باقي منهم يكون له في.. أثرى كل شي بعدك مات و يتصور له إنه مازال حي ..
يا قطعة من يوفي يا حرقة نار في صدري ما عدت أنا بنتك اللي في عينها ضي
يمة أنا حتى بكاي ما أقدر أبكيه و ما عاد من يسمع مني ولا يعين
أنا فيني عبرات و دموع في عيني تحجرت ما كنت أتصور أشوف نفسي بيوم يتيم
أنا صرت اتمنى أقول مثلهم يمة و أسمع صوتك في اذني يرد علي لامن ناديت
و إنقطع ها الصوت يا يمة ليته يرد ..
يمة ترى بيتك ما عاد هو بيتك يمة البيت يوحش ولا به حد يداريه
يمة أنا ما بقالي غير غرفتك و ثوبك إللي بصلاتك تلبسين
و بقايا صور معك إجمعتني يوم أنا كنت أنا و قلب كان له من يواسيه
أنا للحين أتنفسك و أسمع أنفاسك قبل لا تودعين ..
يمة الفقد صعب ولا حد يحس فيه إلا من جربة
يمة كنتي تدعين ربك و تقولين ربي لا توحدنا
وشلون أنا بنتك صرت في هالدنيا وحيده ولا لي حد يسأل وشلونها أحوالك الحين
تقولين للوحده وحشة عليها ما تقدرين وشلون أنا بقدر أكمل سنيني وحيدة ,, تدرين وش إللي يصبرني أنا ؟
ايمانك بالله و صبرك إللي تعلمته منك و شوية كلام مكتوب بخطك قبل لا ترحلين ..
